星期一檔案 星期一檔案 (17.07.17) 黃慶德 祥益地產區域董事 2017 年 7 月 17 日

過去星期六日，買賣成交有回復跡象，原因跟之前預計一樣，經過微調後已經可獲承接，減價幅度大約3-5%左右，所以大家如果是正在搵樓，遇到有心儀的單位就即管大膽還價，隨時有意外收穫。而現時『龍市二期』仍然會維持一段時間，此段期間亦會間歇性出現破頂情況，今日報章亦有報導九龍德福花園都有出現破頂成交，市場成交多變，大家要上車記得做好準備。 近期車位繼續受追捧，屯門天水圍車位入場費仍然有百萬元之內，投資車位門檻始終比住宅低，所以吸引了不少投資初哥入市，今次又讓我介紹多一個投資選擇比大家，上星期就有投資者買入位於屯門龍門居的街市舖，成交價只是102萬，只比車位略貴少少，大家不妨可以考慮下。 居屋方面，成交仍然活躍，客人分別有新居屋回流客及公屋上車客，如果各位合資格綠表人仕想輕鬆上車，本人又可以介紹屯門公屋盤比大家，最平有個山景邨單位，實用287呎，未補地價只售98萬，換言之，大家只要有房署發出的購買資格證明書，你只需要 $48,000 首期就可以做業主，真係非常吸引啦！ 最後到租務市場，現時開始放暑假，亦進入租務旺季，近日更多了一批剛剛有仔女升中一的家庭出來找租盤，所以近日稍為企理的租盤甚為搶手，大家如想搵租就要快睇樓了！