	留言者：小業主牛牛	2008-10-06
	金融風暴
真係等左好耐.. 又落番16000點水平.. 我一早都說..奧運過左...一定大趺市.. 我想..再等多半年.. 樓市會大減價... 加油...

	留言者：網主	2008-10-06
	第1篇回應主文
牛牛！見到你真好！ BY RESULT！你看中了！不過樓價而家已經跌得好急！形勢而家好亂兼唔清，反而有機會執平野，小心走寶！不過好難講，投資都係自己決定啦！

	留言者：小業主牛牛	2008-10-09
	第2篇回應第 1 篇
網主: 我又唔覺得而家樓市大跌喎! 仲好多人睇樓丫... 好似荃灣既御凱... 早幾日仲大排長龍鬼死咁多人睇樓.. 我本來都想去睇睇..不過... 想想下自已又唔本事..買唔起..睇來做咩呢... 就算真係跌...我都買唔起架喇.. 哈哈近來一直被屯門區的樓吸引住.. 主要原因係價格平. 我個人喜歡沙田區..可惜又貴屯門一倍... 有個朋友最近係屯門買左居屋8百幾呎在景新臺都係142萬... 真超值... 可惜我不能買居屋... 早前跟你公司睇過倚嶺南庭... 個地下升降機大堂及樓層大堂都好好... 不過入到屋... 見到一手送既傢俱..黑黑的... 地腳線又黑黑的... 送埋個深色既大鏡... 就嚇鬼死我... 當然我沒有跟你同事說... 間隔就好好. 而家都係等佢跌下先..再想! 對面果個新x基起既山莊.. 我未睇過.. 不過見上網既圖及影片... 覺得真係細左d... 住係自已架.. 邊個起又如何... 最後都係自已裝飾屋內架丫... 我喜歡空間大既地方... 如有好盤就聯絡丫哈哈最後希望大家都找到自已既理想家園...

	留言者：網主	2008-10-10
	第3篇回應第 2 篇
十分喜歡見到牛牛的留言，因為你永遠有坦誠的心及生動的圖片，好舒服，係的分享，我已開心地收到了，you are welcome！明天將推出『屯門物業指數』(試驗版)！希望有關數據可幫到你！