 | 留言者：小業主牛牛 | 2008-10-11 | | 假期悶死我 | 今日放左工... 成日都好靜...點解? 因為我忘了帶手提電話囉! 成朝係寫字樓忙..又出車場忙幫手... 又要去消防室睇野... 又要收埋管理費... 又要同傅e猫比經理...一個上午就咁過左... 係喎 仲有為了e_猫個file比經理攪到我遲左半個鐘收工... 當然沒有OT可言丫... 苦命~!
就因為沒有帶電話出街! 成日都靜到死... 平時找開既老朋友又去左打麻雀唔理我... 本來想入去屯門行下..去地產取些資料..不過又覺得山長水遠唔想去...唔講你地又可能唔知.. 我本身係在九龍住既... 返工在葵芳... 點解我成日都想買屯門樓? 呢個問題係覺得屯門既樓平囉. 負擔得起. 我常常覺得.. 好似荃灣"萬景峰"3房要近500萬先有... 屯門的"海典軒"外表又差不多..又係信和興建又有露台都係2百多萬..差一半... 所以轉投去睇屯門既優質屋苑...
不過..我今日唔知點解心情真係好DOWN... 想去游下水..去到泳池竟返轉頭回家... 我唔係冇帶泳褲... 而係沒心情... 之後回到家就訓到6時... 覺得又浪費左一日既時間...
女人就話每月有幾日心情唔好... 原來男人都會...唉!
頭先去左M記買野食...而家食緊個飽... 睇緊"獵像館"
嚇下自已先...
|
|
