Hello,Adrain,首先多謝你留言

現時銀行仍然接受9成半按揭,亦有成功\批核例子,最緊要視乎你入息証明,例如:自動轉賬出糧,有穩定入息,有近半年糧單,如果你入息約一萬元,供樓上限就係$5000左右。假設樓價100萬,首期5萬,按揭息口3.75%,保費約4萬,保費可加入按揭供款,如分30年攤還,月供$4585.其他上車雜費,律師費連佣金及厘印約2萬左右,如你手頭上有10萬左右,都可以喇!如果你想安心d既話,我地可以幫你搵銀行做一個預先批核,無問題的話再決定都唔遲

現時疊茵庭兩房價錢都係100-110左右,面積由536呎起,樓齡8年左右,有會所設施,又鄰近西鐵,價錢係非常實惠,值得考慮下,至於聚康山莊,兩房大約130萬左右,月供$5700左右,如只計算你入息,銀行就應該批唔到9成半按揭喇!

如兩者比較,聚康山莊屬新地樓,品質當然有保証,又有露台,不過距離西鐵站較遠,疊茵庭就經濟實惠,你可以兩者都比較下,如果你有興趣及時間,可以致電給我幫你安排睇樓,tel:8201 0320