	留言者：戰狼【牛牛】	2008-11-01
	慧景軒
顯示圖片今日終於頂起心肝放左工入左天水圍睇樓我只係睇慧景軒既單位而已您同事帶左我去睇1座H單位. 個感覺比我想像中麻麻. 可能間屋既顏色和裝修問題影響左我既思維. 本來我唔喜歡2座A及B單位. 因為我唔喜歡房沒有走廊. 不過今日睇果D完全係另一會事. 果D業主幾好人. 保養幾好. 其中睇2間個單位是真空.. 感覺都幾大下... 而家一直喜歡的長長橫身間隔(即係2座C)果D...只得一間睇..有點點失望. 不過我都好喜歡.. 不過開價就好似高左D!. 我遲少少會帶埋朋友睇多轉.而且今日仲還左個價比你同事... 哈哈. -------------------------------------------------- 之後. 一個人在銀座落左車... 食飯... 皆因... 放左工就去睇樓(約左2點幾)..攪到我近4時先食飯... 有D胃痛! 好慘... 叫個焗豬飯食..D米又生生地..好難食... 只係食左件豬扒就走左... ------------------------------------------------ 銀座隔離我見到柏慧豪園... 見到就唔想再深入了解.. 因為.. 起得密密麻麻...前面又起緊第二期... 只係方便近巴士總站... :( ------------------------------------------------ 不過入到天水圍..感覺幾好..空氣好.. 都唔似D人講咁差. 公園地方又大. 算唔錯! (死喇! 今日講左咁多野...你D同事咪知我身份) 喇!私穩..唔准講出去

	留言者：網主	2008-11-02
	第1篇回應主文
牛牛哥，歡迎你來睇樓，比意見你： 1) 睇樓要多，消費者最重要是選擇，所以祥益手足鍾意大包圍，多多盤也歡迎你睇！ 2) 大膽還價，用家唔好怕羞，大膽還價許多時有意外驚喜！ 3) 早日安排按揭(如預批)，免遇上超筍盤時準備唔切或失預算！你的 case 我會親自睇！放心！

	留言者：戰狼【牛牛】	2008-11-02
	第2篇回應第 1 篇
1) 睇樓要多，消費者最重要是選擇，所以祥益手足鍾意大包圍，多多盤也歡迎你睇！回應: 真係唔該晒, 之不過你同事一係帶我睇高層..一係就跳級同我睇低層... 個價好難比較的. 而且我喜歡睇既2座c、h室果D 全程就得一個C睇... 又沒有比較.少少失望囉. 2) 大膽還價，用家唔好怕羞，大膽還價許多時有意外驚喜！回應: 我都想大膽還價. 你知而家個市咁.. 怕買左之後又跌. 見果處既業主開既價仲未係好價. 因為我有EPRC A/C 可以CHECK 樓價成交銀碼. 見個個開唔係天價就貴過自已買入幾十萬.. 覺得有D野囉. 等我睇下先囉! 3) 早日安排按揭(如預批)，免遇上超筍盤時準備唔切或失預算！回應: 呢樣野就唔使擔心. 錢一早已有. 銀行方面唔使理. 最後: 你的 case 我會親自睇！放心！ <---- =.=" 你意思係同我找又平又好既盤比我嗎? 叫老闆親自幫我.. 我過意唔去. 如果係你公司搵到個平靚正. 真係要請你食餐勁. 不過銀座D野食..就麻麻喇...好睇唔好食... 顯示圖片當日拍攝景觀一流!

	留言者：謝澤銘	2008-11-02
	第3篇回應第 2 篇
戰狼【牛牛】多謝你光臨睇樓! 唔好失望，本來是JERRY(即今期超級睇樓王封面的那位 SALES)帶你去睇樓，但因當日新聞透視約了汪先生及他做訪問，所以未能親身睇樓，唯有交給STEVEN，但他學藝未精，安排上一定唔夠，我會再指導他好好提升，多謝你的意見，而今日JERRY已為你安排你需要的單位及摷更多同類盤，應該已有新進展，老闆非常關心，吩咐我必須要你稱心滿意，下令一定要平靚正，我會盡力作出安排!

	留言者：網主	2008-11-02
	第4篇回應第 2 篇
牛牛！多 D 比意見我地！好有用！

	留言者：戰狼【牛牛】	2008-11-03
	第5篇回應第 3 篇
我今期都有買超級睇樓王見到您同事貼左張沙士價 97萬既盤紙真令人心動(我指個價) 我每每都睇市場既價... 就算買唔起我都想知... 可能以前跟開"倫生"做野..當時我只係負責佢地既電腦DATA及打盤紙等..不過倫生講咩都要學下.. 我當時沒有牌也會去幫手帶佢既客睇樓. 你會問無牌都可以帶客睇樓? 皆因全部都係"倫生"自已物業... 我個角色係業主身份吧!所以我亦知您地做野既辛苦! 我覺得你地既同事都好勤力. 只不過有點大意些(個別) 星期六和你同事去睇慧景軒..有個業主幾好傾..不過之後因為未見過你同事.佢問你同事有沒咭片.仲講你同事"姑寒"咭片都沒張.. 之後你同事就說係喎!先比佢. 本來都沒咩野... 不過... 我呢? 係呀就係咁漏埋我... 我睇晒D盤在等車走時仲要我主動問佢攞... 真係要學多幾堂. 不過佢都好好交帶. 主動打電話比我說已向銀行估價睇的單位. 勤力係美得.呢樣我亦欣賞. 不過只係勤力. 有時門面野都要做下麻. 尤其是你們的行業. 就算記得見過某業戶. 行開行埋見到面都要主動打招呼. 咭片呢樣野一定唔少得! 您唔好覺得我在倒亂.. 有讚賞也要指點下先有進步! 大家可能因今次金融風暴有D影響收入. 不過貴有貴買平有平買.. 記著呢行付出的和收取回報係正比(我認為) 加油!

	留言者：網主	2008-11-03
	第6篇回應第 5 篇
多謝鼓勵！你的意見是寶！祥益同事要虛心學習！有機會真係要請你飲茶！ thx！

	留言者：謝澤銘	2008-11-03
	第7篇回應第 5 篇
戰狼【牛牛】! 你真係要多D來睇樓喇! 付出努力是不會白費! 我們一定會加油俾心機學習! 多謝你!

	留言者：戰狼【牛牛】	2008-11-03
	第8篇回應第 7 篇
而家我仲未入住屯門天水圍住.. 對於我好似去旅行咁... 等我抽下時間丫.. 昨晚食左激野..個口生"菲支"而家仲痛... 你地今日仲打電話來..唔合時.. 哈哈我得閒會來.. 等我電話丫.! 呢兩人日我喜歡睇稼私店...原來仲有又大又平既熱狗食架!