 | 留言者：戰狼【牛牛】 | 2008-11-11 | | 士提芬 加油 | 昨晚放左工.. 另一個site同事打比我. 叫我陪佢收匙.
我問佢咩樹要收匙.. 佢話:
佢老婆一直與佢母親不和..
現在深水埗租了個樓. 叫我陪佢睇下...
有樓睇喎.. 即去丫..
就係咁去左深水埗...
去了某地產取匙... 知道間屋租 2400元... 嘩幾平喎!
朋友說: 只是很細的房子..一會你就知架喇..
一心以為佢叫我幫眼睇點裝修... 去到果時嚇左我一跳..
有升降機.. 幾好.. 舊樓地下大堂ok喎!
佢住3樓... 入到去我就說咁多房既..? 個廳呢?
原來佢只係租其中一間房...
入到去... 嘩! 同我間房一樣咁大...(成間屋面積)
仲包埋廁所(在門口)及(在門口)超細既廚房... 房就四四方方... 放了床我都唔知仲有沒位放其他野...
希望我同事一家三口子早D離開呢個地方.
不過四處好多食市..地鐵站口又在3鐵步行.. 十分方便..
位置在深水埗"玉泉樓" 不過如果我一個人住都唔會搵呢D... 最多去遠D...:(
我同事講等待屯門公屋喎.. 希望佢快D申請成功!
2400一間房.. 我租比佢好過...
|
|
 | 留言者：YY | 2008-11-11 | | 第1篇 回應主文 | | 嘩﹗牛牛,睇到你o既描述, 嗰間屋都幾恐怖喎，我都祝你同事快d上樓,早日擺脫呢d非人生活 |
|
 | 留言者：網主 | 2008-11-11 | | 第2篇 回應主文 | 童年時，一家六口也住在100呎多 D 的徙置區單位中，那時家境十分窮，卻挺快樂，後來香港經濟好轉在物質愈來愈多後，不愉快的事情反而陸續增加！
房間大細不及家中溫馨重要..... |
|
 | 留言者：戰狼【牛牛】 | 2008-11-11 | | 第3篇 回應第 1 篇 | yy
晚上我入左去屯門睇嘉悅半島
睇左2間望海既單位
個廳比我想像中好點
不過牆身真係細左D 好難放大型組合櫃
另我. 我亦睇了個沒有望海的單位
668呎 G室. 因為個廳和868呎數單位一樣大睇圖及感覺
而且個主人房個窗真係好大比868個主人房更大點
我很欣賞. 之不過... 個景就麻麻...沒有海景.. 望樓.. 個SALE說要170萬.. 我就覺有少少不值...
你上次講果2房望海..我沒有睇.. 不過...應是E,D單位.. 在房可望海的. 是嗎?
|
|
 | 留言者：戰狼【牛牛】 | 2008-11-12 | | 第4篇 回應第 2 篇 | 網主老闆
我朋友本來和父母及BB及佢老婆在將軍O住8百幾呎居屋
不過佢老婆與臾朋友既阿媽成日因小時罵起上來..
結果佢地先決定自己搬出來住.
由於第一次搬出來..亦唔想住咁老遠
結果佢先搵左深水埗...
我都唔知佢搵埋D套房住的
因佢老婆是在中國來的. 每每都經常與個BB返大陸...
佢又成日去黃金睇野... 結果就租鬼左呢處地方.
而且佢亦申請緊屯門的"中轉屋"他說...
其實我都唔明咩叫中轉屋...和公屋有咩唔同?
昨日跟你同事睇嘉悅半島. 佢介紹幾詳細. 一見面就比咭片.. 好交帶.. 哈哈 係唔係你提水架... KAKAK
不過今次我主要目的都係想睇個間格想比較下.
開230幾萬... 我都買左天水圍920呎果D了. 不過...好難決定... 因為..真係一坐巴士就去上公路出九龍..40針鐘就去到土瓜灣喇...幾方便! 再望海典軒796單位... 真係開始唔喜歡.. 個廳太細.
需有露台.. 地下大堂超似酒店.. 不過... 真係細左D個房... 唉... 人就係咁..得少少錢就要比較多多... 哈哈 失禮晒!
|
|
| 留言者：YY | 2008-11-12 | | 第5篇 回應第 3 篇 | 牛牛你講得無錯呀﹗兩房望海係D同E, 房都係望到海架,所以我就話個VIEW正囉,辛苦一日,返到去屋企,望吓海, 個人心情都好D :-)
如果係望樓嗰D單位,我就覺得唔太好啦,好有壓逼感,so far 嘉悅d間隔都幾好,幾四正,我最怕係鑽石型,同埋我鐘意d窗台唔會太大,呢樣就好過海典軒啦
係呢,你睇170萬嗰個668單位係幾多樓架,咁貴o既﹖ |
|
 | 留言者：戰狼【牛牛】 | 2008-11-12 | | 第6篇 回應第 5 篇 | yy:
我睇果間係近20樓來架. 係有人住既
屋主保養間屋幾好. 仲好新靜..
我喜歡佢個主人房
因為個窗好大.. 可惜望樓景.
其實我昨天都錄左movie8百幾呎既廳比同事睇
佢地講好細... 唔似有8百幾呎...
倒再想想.. 南浪既單位2房7百幾呎起.. 長長的大廳幾好架. 你有沒考慮過呢?
我個基金經理同我講...個樓市仲會跌 叫我睇定先入市.
不過有另一句: 如果係自住.. 又遇到好喜歡的. 不坊
入市.. 而家買都算ok. 如果真的價格向下.. 可能到時又找不到心水...因為低價會大把人同你爭...
|
|
| 留言者：YY | 2008-11-13 | | 第7篇 回應第 6 篇 | 早呀,牛牛~
我認同你呀,嘉悅大單位唔及細單位好,我覺得細單位仲實用~
南浪我都睇過呀,不過佢d單位唔夠四正,如果係我諗我會揀嘉悅或者海典軒多﹗
我都聽人講話樓巿出年仲會下調20%,所以我都會睇定d先,同男朋友周圍睇多d,比較下先,早幾日睇到怡峰園d相,都好似幾好咁,又近巿中心,搵日去睇下樓先得﹗:-p |
|
 | 留言者：戰狼【牛牛】 | 2008-11-13 | | 第8篇 回應第 7 篇 | YY
原來你對海典軒有興趣
有個好消息!! 上次睇嘉悅果時.. 個sales同我講 海典有間2房好平 約140萬 1樓連特色平台...
呢間我以前都睇過.. 半年多前 當時開 165萬架
之後比人買左.. 而家個市咁 個新業主開140囉
你問下祥益D人丫.. 佢地幫到你架
不過入面2間房打通左... 空間大左 房間少左.. 你考慮下.. 仲係望個泳池.. 個景OK架.
另南浪不如你睇 長方廳果D丫.. 分2類架... 長方好好用..又見地方使 |
|
