	留言者：鷹派	2008-07-24
	(蘋果日報)中小代理行逆市擴充
不用兼顧一手而沾沾自喜的人;何以有能把生意做得更大.也許能最得更大,也只會是井底一頭巨蛙.(不能登也很想得到回應.)

	留言者：網主	2008-07-25
	第1篇回應主文
的確，我們正努力嘗試我們討論區的留言管理理念，但若非令討論區秩序混亂的留言，意見不同的我們也必定登出！閣下留言內容雖本人不同意，但有你的論點，我不會放過交流不同意見的機會。閣下的留言論點我是不同意的，蘋果日報這篇報導標題是『大行瘦身、經紀仍有出路』，中小行增兵既是事實，發出這訊息是對社會正面的(起碼對被裁員的人是公平的)，何以用『沾沾自喜』來批評？相信業界的領導大行，絕不會小家眼紅我等細行在此時冒險逆流而上的。至於你說的井底巨蛙的故事，其實我倒有部份是認同的，我的確是沒有了做大行的興趣，一手樓和大行，為甚麼可以吸引我？有甚麼可以吸引我？新一代不少人覺得做地產要識功夫！覺得地產人人也貪污！代理為何如此屈辱？這種樓花厚利及大行對我真的無吸引力！人各有志！讓我在井底看我的藍天白雲吧！何況，這藍天白雲是公眾所支持及認同的，究竟我是行業的小數，還是行業是整個社會的小數，井底蛙未必沒有智慧的！多謝你留言給我使我可和大家分享以上看法的機會！

	留言者：goat	2008-07-25
	第2篇回應第 1 篇
哈哈…“不招人妒是庸才”，我終於可以為你鼓舞喇！正如‘小女子’的英文評論，令我又愛又恨！我既愛看她的見解，又恨她的用字那麼深（經常要查字典才可完全理解內容）。簡直令我等英文水平不高的人咬牙切齒，痛不欲生…

	留言者：goat	2008-07-25
	第3篇回應第 1 篇
你可能要聯同會員及世紀XX及不裁員的行家們，一齊用“極沉痛的心情”去宣佈請多d人手，人地（乜水？心照啦！）才唔會認為你們沾沾自喜掛…

	留言者：KGB	2008-07-25
	第4篇回應第 1 篇
偉大的真主同志又打生化戰！我KGB啱啱返克宮述職，順便到黑海曬太陽兼放埋D大假。情報顯示施真主近日借「十月事件」元氣大傷之際，又再藉一手市場淡靜嘅機會，打出生化戰皇牌，一於大吹淡風！首先高調宣布自「隊」！即係自行裁員100名，警告信600封（唔知我哋條針D sir有冇份？）。為求迫真，真主更cut去某些舖位，實行2合1（如荃灣大河道）！其實真主真正要cut嘅係1手team，2手team不過用作擺門，橫掂都係cut，真主一貫之作風就係想cut得有「賺」！點賺？既然cut的「傷心總是難免的」，不如就來個「魚死網破」，攬住一眾中小行一齊上路！真主認真爛，講完行業有陋習！即係話地產代理嗰嗰都係壞人，佢肯企出來直認不諱，就自己先同自己洗底，話比全人類聽：我係壞人中嘅好人，起碼我敢勇於站出來話自己係壞人！馬上變成‘英雄本色’嘅周潤發，其他行家唔係立刻變為李子雄囉！但係，真主呢亭立論，係變相等於詹培忠話「嗰嗰女人都係雞」咁嘅邏輯！各位，你哋如果認為係「雞」，咁就冇得講咯！不過睇落今番大家都唔係「雞」，只不過係俾真主「屈」！ KGB做過好多調查，發現今次真主唔單止呢生化武器過時，仲發覺一眾中、小行已經買得起防生化器材！甚至識得利用「以生化對生化」的手段，有效反擊，實行我哋共產國際以故友人毛主席之「敵退我進」！施真主呢次除咗毒害到一D初出道嘅行家之外，連好多地產傳媒都中招，大幅幫佢宣傳，真係以為世界末日來了（開始倒數吧）！好在有的傳媒真係好醒，無俾真主利用當儍仔。好似公仔箱訪問美記，美記發言人梗係唔認同喇（仲未領得真主呢嘢夠？）！咁咪馬上沖淡晒真主D生化毒性囉！其實真主真係鈍咗好多，上次響法庭門口，大唱行業有陋習，話口未完同埋一日，五會響EAA就馬上反彈！跟住又響自己張報紙話行家「講大話」！實行盲目地再扣行家業界、地監局、消委會、老廉等一眾帽子，甚至挑戰香港司法制度。可惜犯眾怒，除咗當場比法官教訓和罰重D之外，更比大家口誅筆伐圍剿！KGB懷疑佢深宮簡出得太耐，日日攤響張龍床處食葡提子（好似古羅馬呢皇帝咁），真係代入咗凱撒大帝，靜係聽聽埋埋呢啱聽嘅嘢，故此鈍晒。靜係搵傳媒笨讓傳媒作單邊正面報導呢招已經無乜孖屐喇（仲有傳媒領佢嘢？）！所以佢買起份報紙嘅策略係啱嘅，皆因唔多會有儍仔幫佢放毒氣！

	留言者：網主	2008-07-25
	第5篇回應第 4 篇
熱烈歡迎在其他討論區鼎鼎大名的 KGB 大駕光臨，令本討論區增添更多姿彩的元素！