留言者：YY2008-08-07
樓巿趨勢
我想問樓巿趨勢如何﹖本人想上車買樓，請問下半年是否有望樓價有減價空間, 因有感現時樓價仍頗貴,供樓很吃力, 希望您能提供一些專業意見以供參考, 謝謝﹗
留言者：Kevin2008-08-07
第1篇 回應主文
你好,YY,多謝你查詢先. 其實近期樓市已進入一個鞏固期,而價錢比起年頭高位已有所回落.對於下半年...甚至長遠樓市發展是樂觀的.
有關息口方面,美國聯署局早兩日已發聲明今年內難以加息,對於將會上車既買家來說當然會係好消息,以現時一般銀行按揭息口2.75%計算,以100萬樓價,3成首萬,20年供款,月供只係$3,795,基本上比你租樓更輕鬆.
現時不少買家既買樓心態都係十五十六,部份會係觀望態度,另一部份就係抱住"執平貨"既心態,如果你都係一心一意上車,不如在靜市出擊,可以趁機搵一個較優質既單位,好過到旺市時以高價同人搶貨
以上既意見希望可以幫到你,如果未夠喉,歡迎你隨時上黎問我架,我做得上車顧問,梗係希望幫到大家上車做業主啦!!
留言者：Guest2008-08-08
第2篇 回應第 1 篇
我睇過嘉悅半島,奈何價何頗貴...
請問你對該屋苑有何睇法及意見?
留言者：Kevin2008-08-08
第3篇 回應第 2 篇
Hello,Guest,多謝你留言先,你話你之前睇過嘉悅半島的單位大概幾錢呢? 其實我地手頭上有一個東南兩房,我個好兄弟Jason介紹過都係155萬,落實的話可能價錢仲有得商量,有興趣的話可以過黎睇下都得架!!
如果你以嘉悅跟南浪海灣及海典軒比較,相對來講嘉悅算係抵買,南浪樓齡跟嘉悅相若,呎價其實相差不遠,不過面積南浪較大,所以價錢會較高,而海典樓齡最新,所以呎價就一定係最高.
其實屯門區都有其他優質屋苑,如果你唔想供得太吃力,可以考慮下西鐵沿線物業---疊茵庭,該屋苑8年樓,又有會所,部份兩房單位120萬樓下都有交易,你不妨可以作個比較
最後,你可以因應自己供樓能力,再去作出選擇都可以,你亦可以搵我地同你去睇下D優質屋苑間格及環境先下決定都唔遲,我地公司網頁有個置業計算機,你亦可以計下供款,為上車做好準備!如想查詢更多資料可以留言俾我或者直接打比我,TEL:2468 3838 , 8201 0320
留言者：YY2008-08-13
第4篇 回應第 1 篇
我想問下, 除咗嘉悅半島,海典軒, 南浪, 聚康, 疊茵庭,仲有邊D屋苑係十年樓鹷之內架﹖
留言者：Kevin2008-08-13
第5篇 回應第 4 篇
Hello,YY,多謝你繼續支持. 如果你係屯門區搵 D 10年以下的屋苑,可以唸唸以下幾個屋苑:
1.卓爾居,新鴻基樓,1期剛剛10年,2期就係8年樓,兩房165萬起
2.怡峰園,新鴻基樓,11年,過左1年,不過新地樓,保養好,兩房148萬起
3.龍成花園,英皇集團,8年樓,兩房148萬起
4.倚嶺南庭,新世界,2年半樓,兩房163萬起
5.豫豐花園,恒基,1年樓,兩房125萬起
比住咁多資料你先,如果你想知個別屋苑資料,可以再詳細介紹比你,你亦可以去我地網上睇樓區,睇下D靚相先啦!
留言者：YY2008-08-20
第6篇 回應第 5 篇
Kevin 你好! 我之前有睇過嘉悅半島o既向海單位,都幾鐘意嗰度o既環境
今日我見到貴公司有一宗嘉悅半島一座低層D室單位低於巿價9%成交, 其實係咪意味住有趨勢係業主開始肯減價放盤呢﹖同埋普遍業主估減幅有幾多呢﹖
留言者：Kevin2008-08-21
第7篇 回應第 6 篇
Hello,YY,近排因市道整體氣氛同年頭比較,的確係差左, 所以有部份業主亦會減價求售,減價幅度由5%-12%不等,不過業主見到有實客,一般都會有議價空間
其實既然你都有哂預算想上車,不妨考慮下係呢段時間,襯機會揀一個較為優質既單位,如果你真係遇到心儀既單位,亦可以考慮同業主議價,希望不久將來,你可以上到車做業主啦!! 如再有任何問題的話歡迎你隨時搵我架!